തനിമയുടെ പൊലിമ
തനിമയുടെ പൊലിമ-📕TEXTBOOK📕 DOWNLOAD👈
കീരീ കീരീ കിണ്ണം താ
കീരീ കീരീ കിണ്ണം താ എന്ന പാഠഭാഗവുമായി ബന്ധപ്പെട്ട
കുറേ നാക്കു വഴങ്ങാപ്പാട്ടുകള്‍
കുറേ നാക്കു വഴങ്ങാപ്പാട്ടുകള്‍
---------------------------------------
ഉരുളീലൊരുരുള
ആന അലറലോടലറി
തെങ്ങടരും മുരടടരൂല
പെരുവിരലൊരെരടലിടറി
റഡ് ബള്‍ബ് ബ്ലൂ ബള്‍ബ്
വരൾച്ച വളരെ വിരളമാണ്
പേരു മണി പണി മണ്ണു പണി
അറയിലെയുറിയില്‍ ഉരിതൈര്
അരമുറം താള്‌ ഒരു മുറം പൂള്‌
പാറമ്മേല്‍ പൂള; പൂളമ്മേല്‍ പാറ
അലറലോടലറലാണാലയില്‍ കാലികൾ
വണ്ടി കുന്ന് കേറി, കുന്ന് വണ്ടി കേറി
പത്ത് തത്ത ചത്തു; ചത്ത തത്ത പച്ച
സൈക്കിള്‍ റാലി പോലെ നല്ല ലോറി റാലി
ഉരുളിയിലെ കുരുമുളക് ഉരുളേലാടുരുളല്‍
തച്ചൻ ചത്ത തച്ചത്തി ഒരു തടിച്ചി തച്ചത്തി
രാമമൂർത്തിയുടെ മൂത്ത പുത്രൻ കൃഷ്ണമൂർത്തി
തച്ചന്‍ തയ്ച്ച സഞ്ചി; ചന്തയില്‍ തയ്ച്ച സഞ്ചി
പത്തു പച്ചത്തത്ത പച്ചപ്പുല്ലില്‍ ചത്തൊത്തിരുന്നു
ചെറുപയർമണിചെറുത്; ചെറുകിണറ് പട ചെറുത്
പച്ചപ്പച്ച തെച്ചിക്കോല്‌ പറ്റേ ചെത്തി ചേറ്റിൽ പൂഴ്ത്തി
അരയാലരയാൽ ആലരയാലീ പേരാലരയാലൂരലയാൽ
കളകളമിളകുമൊരരുവിയലകളിലൊരുകുളിരൊരുപുളകം
കരളിനുമലരിതളുതിരുമൊരളികുലമിളകിയ ചുരുള്‍ അളകം
വടുതലവളവിലൊരതളമരത്തിൽ പത്തിരുപത്തഞ്ചൊതളങ്ങ!
ഉരുളയുരുട്ടിയുരുളിയിലിട്ടാല്‍ ഉരുളയുരുളുമോയുരുളിയുരുളുമോ
ചരലുരളുമ്പോൾ മണലുരുളൂലാ മണലുരുളുമ്പോൾ ചരലുരുളൂലാ
തണ്ടുരുളും തടിയുരുളും തണ്ടിൻ‌മേലൊരു ചെറുതരികുരുമുളകുരുളും
ഒരു പരലുരുളന്‍ പയറുരുട്ടി ഉരലേല്‍ വെച്ചാല്‍
ഉരലുരുളുമൊ പരലുരുളുമോ
അരുതരുതുകുതിരേ മുതിരരുത് കുതിരേ
അതിരിലെ മുതിര തിന്നാന്‍ മുതിരരുത് കുതിരേ
ആലത്തൂരെപാലത്തിമേന്നറുപതുചെറുമികളറുപതു ചെറുപയറെണ്ണിയെടുത്തുവറുത്തുപൊടിച്ചൊരു പൊടിക്കറിവെച്ചാൽ
അക്കറിയൊത്ത പൊടിക്കറിയുണ്ടോ...
കീരീ കീരീ കിണ്ണം താ
കീരി-കീരി-കിണ്ണം താ
കീരി കീരി കിണ്ണം താ
കിണ്ണത്തിലിട്ട്‌ കിലുക്കിത്താ!…
കല്ലും മുളളും നീക്കിത്താ
കല്ലായിപ്പാലം കടത്തിത്താ!…
മുല്ലപ്പൂക്കള്‌ നുളളിത്താ
മല്ലിപ്പൂക്കള്‌ ചൂടിത്താ
പാക്കഞ്ഞിയിത്തിരി കോരിത്താ
തേങ്ങാപ്പൂളു നുറുക്കിത്താ!
നുറുക്കിത്താ!.. നുറുക്കിത്താ!..
ചക്കക്കുരുവിന്റെ ഗതികേട്‌
ചങ്കരൻ പിളളയ്‌ക്കു
മക്കളില്ലാഞ്ഞിട്ട്‌
ചക്കക്കുരുവിനെ ദത്തെടുത്തു
ചങ്കരൻ പിളളയ്‌ക്കു
മക്കളുണ്ടായപ്പം
ചക്കക്കുരുവിനെ ചുട്ടുതിന്നു!
കൊക്കരം കൊക്കരം കോഴിക്കുഞ്ഞ്‌
കൊച്ചീൽ കുഴിച്ചിട്ടു
കൊടുങ്ങല്ലൂർ വേരോടി
കൊല്ലത്തു മുളച്ചൊരു ചെഞ്ചീര!
ചെഞ്ചീരനുളളുവാൻ
ഞാനവിടെ ചെന്നപ്പം
കണ്ടതു നീല വഴുതനങ്ങ!
പറിച്ചപ്പോൾ പാവയ്‌ക്ക
അരിഞ്ഞപ്പോൾ കോവയ്‌ക്ക
ചട്ടിയിലിട്ടപ്പം കൊത്തച്ചക്ക!
ചക്കമുറിക്കുവാൻ
ഞാനവിടെ ചെന്നപ്പം
കൊണ്ടോന്നു വച്ചതു ചാമക്കഞ്ഞി!
കഞ്ഞി കുടിച്ചങ്ങ്‌
കുമ്പ നിറഞ്ഞപ്പം
വായിൽത്തടഞ്ഞതു കട്ടുറുമ്പ്‌!
കട്ടുറമ്പേത്തട്ടി
കൊട്ടയിലിട്ടപ്പം
കൊക്കരം കൊക്കരം
കോഴിക്കുഞ്ഞ്‌!
(പുഴ.കോം)
കുരീപ്പുഴ ശ്രീകുമാർ
കുരീപ്പുഴ ശ്രീകുമാർ
| |
|---|---|
കുരീപ്പുഴ ശ്രീകുമാർ
| |
| ജനനം | 1955 ഏപ്രിൽ 10
കുരീപ്പുഴ, കൊല്ലം, കേരളം
|
| ദേശീയത |  ഇന്ത്യ |
| തൊഴിൽ | സാഹിത്യകാരൻ /കവി |
ആധുനികാനന്തരതലമുറയിലെ ശ്രദ്ധേയനായ മലയാളകവിയാണ് കുരീപ്പുഴ ശ്രീകുമാർ. കൊല്ലം ജില്ലയിലെ കുരീപ്പുഴയിൽ 1955 ഏപ്രിൽ 10-ന്‌ പി.എൻ. ശാസ്ത്രിയുടേയും കെ.കമലമ്മയുടേയും മകനായി ജനിച്ചു. ജാതി-മത വിശ്വാസിയല്ല .[1] ആഫ്രോ ഏഷ്യൻ യങ്ങ് റൈറ്റെഴ്സ് കോൺഫറൻസിൽ ഇന്ത്യയേയും, ദേശീയ കവിസമ്മേളനത്തിൽ മലയാളത്തേയും പ്രതിനിധീകരിച്ചിട്ടുണ്ട് . കൂട്ടുകാരി-കെ.സുഷമകുമാരി, മകൻ-നെസിൻ.
ഒരു ഹൈന്ദവദേവന്റെ പേരിലുള്ളതായതിനാൽ ശ്രീപദ്മനാഭസ്വാമി പുരസ്കാരം അദ്ദേഹം നിരസിക്കുകയുണ്ടായി.
കുരീപ്പുഴ ശ്രീകുമാർ നവമാധ്യമമായ ഫേസ്ബുക്കിലൂടെ -ഇന്ന് വായിച്ച കവിത- എന്ന പംക്തിയിലൂടെ ദിവസേന ഓരോ കവികളുടെ, കവിത വായനക്കാർക്കായി പങ്കുവെയ്ക്കുന്നു. ഞായറാഴ്ചകളിൽ മൺമറഞ്ഞ മലയാള കവികളുടെ കവിതകളാണ് പങ്കുവെയ്ക്കുക - ഇന്നും വായിച്ച കവിത- എന്നാണ് ഞായറാഴ്ച പംക്തിക്ക് പേര്. കൂടാതെ തിങ്കളാഴ്ച മറ്റ് ഭാഷയിലെ കവിതകളുടെ മലയാള പരിഭാഷയും പങ്കുവെയ്ക്കുന്നു. സുരേഷ് കുറുമുള്ളൂർ, വിനോദ് വെള്ളായണി, മിനി ഫ്രാൻസിസ്, ടി.കെ ഉണ്ണി, തുടങ്ങി നിരവധി കവികൾ കുരീപ്പുഴയുടെ പാത പിന്തുടർന്ന് ഫേസ്ബുക്കില് നിത്യവും മറ്റു കവികളുടെ കവിതകൾ പങ്കുവെയ്ക്കുന്നവരാണ്. മലയാള കവിതാസ്വാദന രംഗത്ത് കുരീപ്പുഴ ശ്രീകുമാറിന്റെ ഈ പരീക്ഷണം വളരെ അധികം ശ്രദ്ധപിടിച്ചുപറ്റിയിട്ടുണ്ട്.
ഹിന്ദുത്വ ഭീഷണി
കൊല്ലം കോട്ടുക്കലിൽ കൈരളി ഗ്രന്ഥശാലയുടെ വാർഷികത്തോടനുബന്ധിച്ചുള്ള സംസ്കാരിക സമ്മേളനത്തിൽ പങ്കെടുത്തു മടങ്ങുമ്പോൾ ഒരു സംഘം ബിജെപി പ്രവർത്തകർ തടഞ്ഞു നിർത്തി ആക്രമണ ഭീഷണി മുഴക്കിയതായി മാധ്യമങ്ങൾ റിപ്പോർട്ട് ചെയ്തിരുന്നു .ആക്രമണശ്രമവുമായി ബന്ധപ്പെട്ട് ബി.ജെ.പി. ഗ്രാമപഞ്ചായത്തംഗം അടക്കം 6 പേരെ കടയ്ക്കൽ പൊലീസ് അറസ്റ്റ് ചെയ്തു സമ്മേളനം ഉദ്ഘാടനം ചെയ്യുന്നതിനിടെ വടയമ്പാടി ജാതി മതിൽ സമരത്തെയും ചിത്രകാരൻ അശാന്തന്റെ മൃതദേഹത്തോട് അനാദരവ് കാട്ടിയതിനെക്കുറിച്ചും ശ്രീകുമാർ പരാമർശിച്ചിച്ചിരുന്നു. സംഭവത്തെത്തുടർന്ന് സാംസ്കാരിക പ്രവർത്തകരുടെയും സംഘടനകളുടെയും നേതൃത്വത്തിൽ പ്രതിഷേധ പ്രകടനങ്ങളും യോഗങ്ങളും നടന്നു.
പ്രധാനകൃതികൾ
- പെണങ്ങുണ്ണി
- ശ്രീകുമാറിന്റെ ദുഃഖങ്ങൾ
- രാഹുലൻ ഉറങ്ങുന്നില്ല
- അമ്മ മലയാളം
- ഹബീബിന്റെ ദിനക്കുറിപ്പുകൾ
- കുരീപ്പുഴ ശ്രീകുമാറിന്റെ കവിതകൾ
- കീഴാളൻ
- യക്ഷിയുടെ ചുരിദാർ(നഗ്നകവിതകൾ)
- നരകത്തിലേക്ക് ഒരു ടിക്കറ്റ്(നഗ്നകവിതകൾ)
- ഇത്തിരിസ്നേഹമുണ്ടോ സിറിഞ്ചിൽ
- കുരീപ്പുഴ ശ്രീകുമാറിന്റെ ലേഖനങ്ങൾ.
- Suicide Point (കവിതകളുടെ ഇംഗ്ലിഷ് മൊഴിമാറ്റം. (ആർ.രാമൻ നായർ) കൊൽക്കത്തയിൽ നിന്നും പ്രസിദ്ധീകരിച്ചു.)
പുരസ്കാരങ്ങൾ
- കേരള സർവ്വകലാശാലാ യുവജനോത്സവത്തിൽ കവിതാരചനയ്ക്ക് ഒന്നാം സ്ഥാനം(1975)
- വൈലോപ്പിള്ളി പുരസ്കാരം(1987)
- അബുദാബി ശക്തി അവാർഡ്
- സംസ്ഥാന ബാലസാഹിത്യ അവാർഡ്
- ഭീമ ബാലസാഹിത്യ അവാർഡ്
- മഹാകവി പി.പുരസ്കാരം.
- ശ്രീപത്മനാഭ സ്വാമി സമ്മാനം.(സെക്കുലറിസം മുൻനിർത്തി നിരസിച്ചു)
- കേസരി പുരസ്കാരം.
- ഡോ.എ.ടി.കോവൂർ,എം.സി.ജോസഫ്,പവനൻ പുരസ്കാരങ്ങൾ.
- കേരള സാഹിത്യ അക്കാദമി പുരസ്കാരം (2011) കീഴാളൻ എന്ന കവിതാ സമാഹാരത്തിന്
......................🔍STAY FOR UPDATES🔎......................
No comments:
Post a Comment