വിശ്വവിദ്യാലയം
കിളിനോട്ടം
സുഗതകുമാരി
സുഗതകുമാരി (22 ജനുവരി 1934 ന് ജനനം) മലയാളത്തിലെ പ്രശസ്ത കവയിത്രിയും സാമൂഹിക-പരിസ്ഥിതി പ്രവർത്തക എന്നനിലയിൽ സജീവസാനിധ്യവുമാണ് . സ്ത്രീശാക്തീകരണത്തിൽ സുസ്ത്യർഹമായ പങ്കുവഹിച്ചുകൊണ്ടിരിക്കുകയും, 'അഭയ' എന്ന സ്ത്രീ സംരക്ഷണ സ്ഥാപനം പ്രാപല്യത്തിൽകൊണ്ടുവരികയും ചെയ്തു. 'അഭയ' , ഒരു ആശ്രയ ഗൃഹമെന്ന നിലയിൽ അബലരായ സ്ത്രീകളെ സംരക്ഷിക്കുകയും, മാനസികാസ്വാസ്ഥ്യം അനുഭവിക്കുന്ന സ്ത്രീകൾക്ക് പകൽവീട് സൗകര്യം നൽകുകയും ചെയ്യുന്നു. 'പ്രകൃതി സംരക്ഷണ സമിതിയുടെ' സ്ഥാപക സെക്രെട്ടറി എന്ന സ്ഥാനവും അലങ്കരിച്ചിരുന്നു.
സുഗതകുമാരി
| |
|---|---|
സുഗതകുമാരി
| |
| ജനനം | ജനുവരി 22, 1934
കേരളം, ഇന്ത്യ
|
| ദേശീയത |  ഇന്ത്യ |
| തൊഴിൽ | കവി, സാമൂഹ്യപ്രവർത്തക, പരിസ്ഥിതി പ്രവർത്തക |
| പ്രധാന കൃതികൾ | രാത്രിമഴ, അമ്പലമണി |
ജീവചരിത്രം
1934 ജനുവരി 22ന് തിരുവനന്തപുരത്ത് ജനിച്ചു[1] പിതാവ്: സ്വാതന്ത്ര്യസമരസേനാനിയും കവിയുമായിരുന്ന ബോധേശ്വരൻ, മാതാവ്: വി.കെ. കാർത്യായനി അമ്മ. തത്വശാസ്ത്രത്തിൽ എം.എ. ബിരുദം നേടിയിട്ടുണ്ട്. സൈലന്റ് വാലി പ്രക്ഷോഭത്തിൽ സുഗതകുമാരി വലിയ പങ്കുവഹിച്ചു. അഭയഗ്രാമം, അഗതികളായ സ്ത്രീകൾക്കുവേണ്ടി അത്താണി എന്ന ഭവനം, മാനസിക രോഗികൾക്കുവേണ്ടി പരിചരണാലയം എന്നിങ്ങനെ കേരളത്തിന്റെ സാമൂഹിക രംഗത്ത് സുഗതകുമാരിയുടെ സംഭാവനകൾ പലതാണ്. സംസ്ഥാന വനിതാ കമ്മീഷന്റെ അദ്ധ്യക്ഷ ആയിരുന്നു. സ്ത്രീകളുടെ പ്രശ്നങ്ങൾ പരിഹരിക്കുന്നതിന് സുഗതകുമാരി അശ്രാന്തം പരിശ്രമിക്കുന്നു. സാഹിത്യത്തിലെ സമഗ്ര സംഭാവനകൾക്ക് നൽകുന്ന എഴുത്തച്ഛൻ പുരസ്കാരത്തിന് 2009-ൽ അർഹയായിട്ടുണ്ട് .
തിരുവനന്തപുരം ജവഹർ ബാലഭവന്റെ പ്രിൻസിപ്പലായിരുന്നു. കേരള സംസ്ഥാന ബാലസാഹിത്യ ഇൻസ്റ്റിറ്റ്യൂട്ട് പ്രസിദ്ധീകരിക്കുന്ന തളിര് എന്ന മാസികയുടെ ചീഫ് എഡിറ്ററാണ്. പ്രകൃതിസംരക്ഷണ സമിതിയുടെയും അഭയയുടെയും സ്ഥാപക സെക്രട്ടറി. സാമൂഹിക സേവനത്തിനുള്ള ലക്ഷ്മി അവാർഡ് ലഭിച്ചിട്ടുണ്ട്[1]. ഭർത്താവ്: പരേതനായ ഡോ. കെ. വേലായുധൻ നായർ. മകൾ: ലക്ഷ്മി.
അദ്ധ്യാപികയും വിദ്യാഭ്യാസവിദഗ്ദ്ധയുമായ ഹൃദയകുമാരി സഹോദരിയാണ്.
കൃതികൾ
- മുത്തുച്ചിപ്പി (1961)
- പാതിരാപ്പൂക്കൾ (1967) (കേരള സാഹിത്യ അക്കാദമി അവാർഡ് ലഭിച്ച കൃതി)
- പാവം മാനവഹൃദയം (1968)
- ഇരുൾ ചിറകുകൾ (1969)
- രാത്രിമഴ (1977) (കേന്ദ്ര സാഹിത്യ അക്കാദമി അവാർഡ്, സാഹിത്യ പ്രവർത്തക അവാർഡ്)
- അമ്പലമണി (1981) (ആശാൻ പ്രൈസ്, വയലാർ അവാർഡ്, ഓടക്കുഴൽ പുരസ്കാരം)
- കുറിഞ്ഞിപ്പൂക്കൾ (1987) (ആശാൻ സ്മാരക സമിതി (മദ്രാസ്) അവാർഡ്)
- തുലാവർഷപ്പച്ച (1990) (വിശ്വദീപം അവാർഡ്)
- രാധയെവിടെ (1995) (അബുദാബി മലയാളി സമാജം അവാർഡ്)
- കൃഷ്ണകവിതകൾ (ജന്മാഷ്ടമി പുരസ്കാരം, എഴുകോൺ ശിവശങ്കരൻ സാഹിത്യ അവാർഡ്)
- ദേവദാസി
- വാഴത്തേൻ
- മലമുകളിലിരിക്കെ
- സൈലന്റ് വാലി (നിശ്ശബ്ദ വനം)
- വായാടിക്കിളി
പുരസ്കാരങ്ങൾ
| വർഷം | കൃതിയുടെ പേര് | പുരസ്കാരം |
|---|---|---|
| 1968 | പാതിരപ്പൂക്കൾ | കേരള സാഹിത്യ അക്കാദമി പുരസ്കാരം |
| 1978 | രാത്രിമഴ | കേന്ദ്ര സാഹിത്യ അക്കാദമി പുരസ്കാരം |
| 1982 | അമ്പലമണി | ഓടക്കുഴൽ പുരസ്കാരം |
| 1984 | അമ്പലമണി | വയലാർ അവാർഡ് |
| 2001 | ലളിതാംബിക അന്തർജ്ജനം അവാർഡ് | |
| 2003 | വള്ളത്തോൾ അവാർഡ് | |
| 2004 | കേരള സാഹിത്യ അക്കാദമി ഫെല്ലോഷിപ്പ് | |
| 2004 | ബാലാമണിയമ്മ അവാർഡ് | |
| 2006 | പത്മശ്രീ പുരസ്കാരം | |
| പ്രകൃതിസംരക്ഷണ യത്നങ്ങൾക്കുള്ള ഇന്ത്യാഗവണ്മെന്റിന്റെ ആദ്യത്തെ ഇന്ദിരാ പ്രിയദർശിനി വൃക്ഷമിത്ര അവാർഡ് | ||
| സാമൂഹിക സേവനത്തിനുള്ള ജെംസെർവ് അവാർഡ് | ||
| 2009 | എഴുത്തച്ഛൻ പുരസ്കാരം | |
| 2013 | മണലെഴുത്ത് | 2012 ലെ സരസ്വതി സമ്മാൻ |
No comments:
Post a Comment